बीरा बेगा आईज्यो जी राम दे भजन लिरिक्स
 | BIRA BEGA AAIJYO JI BHAJAN LYRICS |

बाई सुगना ससुराल से व्यथित होकर अपने प्रिय भाई राम देव जी को अपने हृदय के उदगार प्रकट करते हुए कहती है की ससुराल में उसकी सुनने वाला कोई नहीं है। आप शीघ्र आकर मुझे अपने पीहर लेकर चले जाओ।

बीरा बेगा आईज्यो जी,
राम दे बेगा आईज्यो जी,
थारी सुगणा जोवे बाट,
रामदेव बेगा आईज्यो जी,

अळगी म्हाने परणाई,
ना लीनी सार संभाल।
भूल गया क्यों म्हानें बीरा,
मैणा दे रा लाल।
बीरा बेगा आईज्यो जी,
राम दे बेगा आईज्यो जी,
थारी सुगणा जोवे बाट,
रामदेव बेगा आईज्यो जी,

दुखड़ा म्हाने देवे बीरा,
पूंगल रा पड़िहार,
था बिन म्हारो कौन आसरो,
रामदेव अवतार,
बीरा बेगा आईज्यो जी,
राम दे बेगा आईज्यो जी,
थारी सुगणा जोवे बाट,
रामदेव बेगा आईज्यो जी,

रुणिचे री ओळु आवे,
नैणा बरसे नीर,
ऊबी बाटां जोवूँ थारी,
सरवरिये री तीर,
बीरा बेगा आईज्यो जी,
राम दे बेगा आईज्यो जी,
थारी सुगणा जोवे बाट,
रामदेव बेगा आईज्यो जी,

कोई नहीं जो सासरिये में,
बात सुणे अबला री,
थे तो म्हारे मन री जाणों,
निकल नेजा धारी,
बीरा बेगा आईज्यो जी,
राम दे बेगा आईज्यो जी,

थारी सुगणा जोवे बाट,
रामदेव बेगा आईज्यो जी,

बहन लाड़की करे विणती,
सुण लीजो अरदास,
पूरी करीजो बीरा म्हारे,
पिहरिये री आस,
बीरा बेगा आईज्यो जी,
राम दे बेगा आईज्यो जी,
थारी सुगणा जोवे बाट,
रामदेव बेगा आईज्यो जी,

सुगणा बाई री सायळ कोई,
दास अशोक सुणाय,
गाँव रुणिचे रामदेव रे,
चरणां शीश नवाय,
बीरा बेगा आईज्यो जी,
राम दे बेगा आईज्यो जी,
थारी सुगणा जोवे बाट,
रामदेव बेगा आईज्यो जी,

khamma khamma ho rama runiche ra dhaniya

Baba Ramdev Ji Bhajan Lyrics | Baba Ramdev Ke Bhajan | Ramsa Peer Ra Bhajan | Ramsa Peer Ke Bhajan Lyrics | Marvadi Bhajan Lyrics | Marvadi Bhajan | Prakash Mali Ke Bhajan Lyrics | Rajasthani Bhajan Lyrics | Bhadure Ri Beej Ro Bhajan

Youtube Video

और भी ऐसे ही मधुर भजनों की लिरिक्स के लिए हमारी वेबसाइट को विजिट करते रहे|

इस भजन को आप अपने मित्रगणों के साथ शेयर करिए|

यदि आप भी हमें कोई भजन या अन्य उपयोगी सामग्री भेजना चाहे नीचे दिए गए बटन का प्रयोग करे|

|| आप को मारवाड़ी भजन डॉट कॉम की और से सादर जय सियाराम ||

हमें भेजिए