मैं वारी जाऊँ बालाजी भजन लीरिक्स
 |  Main Vaari Jaau Balaji Bhajan Lyrics | 

लाल लँगोटो बाला हाथ मे घोटो,

ओ थानै सुमिराँ पवन कुमार बजरंग बालाजी,

ओ थारी जय हो पवन कुमार बजरंग बालाजी,

ओ थारी जय हो पवन कुमार मैं वारी जाँऊ बालाजी,

मैं वारी जाँऊ बालाजी, बलिहारी जाँऊ बालाजी,

ओ थारी जय हो पवन कुमार मैं वारी जाँऊ बालाजी.....

माँ अन्जनी रा लाडला,

ओ थारो चारों युग प्रताप बजरंग बालाजी।

लँका जारी सिया सुध ल्याया,

ओ थै तो रामजी रा सारया काज बजरंग बालाजी।

सालासर थारो भवन बण्यो है,

मेहँदीपुर थारो भवन बण्यो है,

ओ थारै नौबत बाजै द्वार बजरंग बालाजी।

चैत सुदी पूनम को मेलो बाला,

ओ थारै आवै भगत अपार बजरंग बालाजी।

गठजोड़े से जातजडुला,

ओ थारै दैवे लाँखो नर नार बजरंग बालाजी।

ध्वजा नारियल चढै रे चूरमो,

ओ थारै सुवर्ण छत्तर अपार बजरंग बालाजी।

घृत सिन्दूर चढै तन उपर,

हर मँगल और शनिवार बजरंग बालाजी।

भगतां का थे कारज सारो बाला,

ओ थारी महिमा अपरम्पार बजरंग बालाजी।

बालमण्डल थाँसू अरज करै है,

म्हारो बेडो लगा दिज्यो पार बजरंग बालाजी।

Balaji Bhajan, Hanuman Jayanti Special Bhajan, Lord Hanuman,Pawan Putra Bhajan,Bajrang Bali Bhajan, ,बालाजी भजन, हनुमान जी भजन ,हनुमान जयंती   स्पेशल भजन, भगवान पवनपुत्र, रामभक्त  भजन   

Youtube Video

और भी ऐसे ही मधुर भजनों की लिरिक्स के लिए हमारी वेबसाइट को विजिट करते रहे|

इस भजन को आप अपने मित्रगणों के साथ शेयर करिए|

यदि आप भी हमें कोई भजन या अन्य उपयोगी सामग्री भेजना चाहे नीचे दिए गए बटन का प्रयोग करे|

|| आप को मारवाड़ी भजन डॉट कॉम की और से सादर जय सियाराम ||

हमें भेजिए